ආරක්ෂාව

 

ඔබගේ දෙවොල අභියස

පින්තූරය :
http://opinionsandexpressions.files.wordpress.com/2009/05/chilli-and-lemon.jpg

දැල්වූ පහන් නිමී යනතුරාවට

මුණුබුරා කපා දෙන

සිහින් දිගු කම්බියට

සීය හතලිහට දෙන

ගෙඩියෙන් ගෙඩිය අමුණා

බැතිමතුන්ගේ චිත්ත පීඩා

ඈත් කර සනසන්න

තැනින් තැන ගෙනියන

රෝද හතරත් ජීවිතත්

මරුවගෙන් රැක ගන්න

කහ දියෙරෙන් පොඟා 

මම කාසියට විකුනන

ආරක්ෂාව…

මගෙ පුංචි පැල්පතේ

ග්‍රහ අපල දුරු වෙන්න

මිල මුදල් ගැවසෙන්න

පුංචි මුණුබුරාගේ

ඉස්කොලේ හරියන්න

එක නැට්ටෙ දෙහි තුනක්

කහ දියරෙ පොඟාලා

කම්බියක අමුණලා

උළුවස්සේ එල්ලන්න

මට තවම ඉඩ නොමැති

ආරක්ෂාව…

නිමිත්ත : පෑලියගොඩ කෝවිල් ගේට්ටුව අසල ආරක්ෂාවන් විකුණන සීයා සහ මුණුබුරා (ඔවුන් ලේ නෑයන්ද යන්න මම නොදනිමි )