මහ තෙද බල ඇති දෙව් සමිඳුන්
දැක නැතිවද තවමත් අසරණ මා
මෙහි සැමදා විත් යදිනා මුත්
සිව්වැනි වරටත් කුසහොත් මාගේ
පොඩි කිරි දරුවන් සියලු දෙනා
මොන පාපයකට ගැහැණු වුණාදැයි
අහන්න මා ගැන දුක් සිතලා
යන්තන් කිරි බොන වයසෙම මාගෙන්
වෙන්කළ මගේ දරුවන් දෙදෙනා
කොහේ ගියාදැයි සමිඳ දන්නවැති
අහන්න පොඩ්ඩක් සමාවෙලා
මම ද ගැහැනියකි තිරිසන් වුවද
දෙවි සමිඳානන් මැවූ ලෙසේ
මවු පදවිය දුනි - මගෙන් පැහැර ගති
දෙවි සමිඳාණන් කැමති ලෙසේ
ලෝගු දරන ඔබගේ ඔය හදවත
මගේ කෙඳිරියට උණු වෙන මුත්
ඔබ ඉහලින් වන සමිඳුන් හදවත
නැත උණු වන්නේ මා වෙනුවෙන්
No comments:
Post a Comment